ഏതാണ് ഈ പുതിയ സർവർക്കാർ?

 സർവർക്കാരെ വെളുപ്പിക്കാൻ നോക്കുന്നവർ ഇതും കൂടി കാണുക...

"വീർ" സർക്കാരിന്റെ വീര കഥകൾ, പണ്ട് എഴുതിയതിന്റെ ലിങ്ക് താഴെ കൊടുത്തിരിക്കുന്നു...

Part 01

Part 02

ലക്ഷദ്വീപിൽ സംഭവിക്കുന്നത്

36 ചെറുദ്വീപുകൾ അടങ്ങിയ, വെറും 32 ചതുരശ്ര കിലോമീറ്റർ മാത്രം വിസ്തീർണ്ണമുള്ള ഒരു ചെറു കേന്ദ്ര ഭരണപ്രദേശമാണ് ലക്ഷദ്വീപ്. ഏകദേശം 80000 മാത്രമാണ് അവിടുത്തെ ജനസംഖ്യ. ദ്വീപിലെ പരമ്പരാഗത നിവാസികൾ ആയത് കൊണ്ട് ലക്ഷദ്വീപുകാർ പട്ടിക വർഗ്ഗ വിഭാഗത്തിൽ പെട്ടവരാണ്. അവരുടെ പ്രധാന ഉപജീവനമാർഗ്ഗം മത്സ്യബന്ധനമായിരുന്നു. 2020 ഡിസംബർ വരെ വളരെ സമാധനപൂർവ്വമായ ജവിതമായിരുന്നു ദ്വീപ് നിവാസികൾക്ക്.

പ്രഫുല്‍ കെ. പട്ടേലിന്റെ വരവ് :-

2020 ഡിസംബർ മുന്‍ ലക്ഷദ്വീപ് അഡ്മിനിസ്‌ട്രേറ്ററായിരുന്ന ദിനേഷ് ശര്‍മ്മയുടെ വിയോഗത്തിന് ശേഷം പ്രഫുല്‍ കെ. പട്ടേല്‍ എന്ന പ്രധാനമന്ത്രി നരേന്ദ്ര മേദിയുടെ അടുത്ത അനുയായിയും, സംഘപരിവാറുകാരനുമായ അഡ്മിനിസ്ട്രേറ്റര്‍ ചുമതലയേറ്റെടുത്തതോടെയാണ് ദ്വീപ് നിവാസികളുടെ ജീവിതം താളം തെറ്റിയത്. കേന്ദ്ര ഭരണ പ്രദേശങ്ങളിലെ അഡ്മിനിസ്‌ട്രേറ്റര്‍മാരായി ഐ.എ.എസ് റാങ്കിലുള്ള ഉദ്യോഗസ്ഥരെ മാത്രം നിയമിച്ചിരുന്ന കീഴ്‌വഴക്കം ലംഘിച്ചാണ് പ്രഫുല്‍ പട്ടേല്‍ ചുമതല ഏല്‍ക്കുന്നത്. നരേന്ദ്ര മോഡി ഗുജറാത്ത് മുഖ്യമന്ത്രി ആയിരുന്നപ്പോൾ, ആഭ്യന്തര മന്ത്രിയായിരുന്ന വ്യക്തിയാണ് പ്രഫുൽ പട്ടേൽ.

ദ്വീപിൽ നടപ്പിലാക്കിയ പുതിയ നിയമങ്ങൾ :-

പദവി ഏറ്റെടുത്ത ശേഷമുള്ള അഡ്മിനിസ്ട്രേറ്ററുടെ ആദ്യ നിയമപരിഷ്കാരം ദാദാ നാഗർ ഹവേലി ദാമൻദ്യൂവിൽ നടപ്പിലാക്കിയ ഗുണ്ടാ ആക്ട് കരട് നടപ്പിലാക്കുവാൻ നോക്കുകയായിരുന്നു. കുറ്റകൃത്യങ്ങളൊന്നും റിപ്പോർട്ട് ചെയ്യാറില്ലാത്ത ദ്വീപിൽ ഗുണ്ടാആക്ട് പാസാക്കിയതിന് മറ്റൊരു ഉദ്ദേശമായിരുന്നു പട്ടേലിന് ഉണ്ടായിരുന്നത്. അന്തരിച്ച സംവിധായകൻ സച്ചി സംവിധാനം ചെയ്ത 'അനാർക്കലി' യിൽ പറയുന്നുണ്ട്, കേസുകൾ ഇല്ലാത്തതിനാൽ പോലീസ് സ്റ്റേഷൻ തുറക്കാറില്ലെന്നും ഇപ്പൊ അത് ഗോഡൗൺ ആയി ഉപയോഗിക്കുകയാണെന്നും. അത് ഒരു പരമാർത്ഥമാണ്. ദേശീയ ക്രം ഇൻന്റക്സിൽ (National Crime Index) ഏറ്റവും അവസാനമുള്ള പേരാണ് ഈ ദ്വീപിന്റേത്. പട്ടേലിന്റെ ലക്ഷ്യം, ഇനി താൻ അടിച്ചേൽപ്പിക്കുവാൻ പോകുന്ന ജനദ്രോഹ പരിഷ്ക്കരണങ്ങളിൽ സ്വാഭാവികമായും ഉയർന്നു വരാവുന്ന എതിർപ്പുകളെ ഈ നിയമം വെച്ച് അമർച്ച ചെയ്യുക എന്നതായിരുന്നു. കൂടാതെ, അവർ അത്യന്തികമായി ചെയ്യുവാൻ ഉദ്ദേശിക്കുന്ന അജണ്ടയിൽ നിന്നും ജനശ്രദ്ധ ഇതിലേക്ക് മാറ്റുകയും ചെയ്യുക.

പട്ടേൽ നടപ്പിലാക്കിയ വിവാദ നടപടികളിൽ ചിലത് :-

1. ബീഫ് നിരോധനം :- ദ്വീപ് നിവാസികളുടെ പ്രധാന ഭക്ഷണ വിഭവമാണ് ബീഫ്. അത് നിരോധിക്കുകയും സ്കൂൾ കുട്ടികളുടെ ഉച്ച ഭക്ഷണത്തിൽ നിന്നും മാംസം ഒഴിവാക്കുകയും ചെയ്തു.
2. പൗരത്വ ബില്ലിനെതിരെ, മോഡിക്കെതിരെ സ്ഥാപിച്ചിരുന്ന ബോർഡുകളും പോസ്റ്ററുകളും നീക്കം ചെയ്യുകയും അവ സ്ഥാപിച്ചവരെ അറസ്റ്റ് ചെയ്യുകയും ചെയ്തു.
3. ലക്ഷദ്വീപ് ഗുണ്ടാ ആക്റ്റ് : വിശദാംശങ്ങൾ മുൻപ് പറഞ്ഞിരുന്നു.
4. തീരപ്രദേശത്തെ മത്സ്യ തൊഴിലാളികളെ കുടിയിറക്കുവാൻ ആരംഭിച്ചു.
5. മത്സ്യത്തൊഴിലാളികളുടെ ബോട്ടുകൾ അടക്കമുള്ള മത്സ്യബന്ധന സാമഗരികൾ സൂക്ഷിച്ചിരുന്ന ഷെഡുകൾ പൊളിക്കുകയും തീയിട്ട് നശിപ്പിക്കുകയും ചെയ്തു.
6. ലക്ഷദ്വീപ് ഡെവലപ്പ്മെന്റ് അതോറിറ്റി റെഗുലേഷൻ: ഇതിൻ പ്രകാരം, ലക്ഷദ്വീപ് അഡ്മിനിസ്റ്ററേഷന്, ഏതൊരു വ്യക്തിയുടെ ഉടമസ്ഥതയിലുള്ള സ്ഥലവും നഷ്ടപരിഹാര തുക കൊടുക്കാതെ പോലും ഏറ്റെടുക്കുവാനുള്ള അധികാരം അതോറിറ്റിക്ക് നൽകുന്നു. കൂടാതെ അവിടുത്തെ പൊതുമരാമത്ത് കരാറുകളിൽ, ദ്വീപ് നിവാസികൾക്ക് പങ്കെടുക്കാനാവാത്ത വിധത്തിലുള്ള നിബന്ധനകൾ ഉൾപ്പെടുത്തി.
7. ലക്ഷദ്വീപിന്റെ ഭരണകാര്യങ്ങൾക്ക് മേൽനോട്ടം വഹിച്ചിരുന്ന District Panchyat Chief Councillor ന്റെയും സഭയുടെയും അധികാരം റദ്ദാക്കി.
8. അങ്കൺവാടികൾ പൂട്ടി
9. കോവിഡ് പ്രോട്ടോക്കോളിലെ മാറ്റം: ഒറ്റ കോവിഡ് കേസ് പോലുമില്ലാത്ത രാജ്യത്തെ ഏക ഗ്രീന്‍ സോണായിരുന്നു ജനുവരി പകുതി വരെ ലക്ഷദ്വീപ്. എന്നാല്‍ ഇന്നങ്ങനെയല്ല സ്ഥിതി. കേസ് പോസിറ്റിവിറ്റി നിരക്കിൽ നിലവിൽ രാജ്യത്ത് ഒന്നാമതാണ് ലക്ഷദ്വീപ്. ജനുവരി പകുതി വരെ പൂജ്യം, ഇപ്പോൾ ഇതുവരെ 6611 പേര്‍ രോഗബാധിതരായി. അവിടുത്തെ കോവീഡ് പ്രോട്ടോക്കോളിൽ മാറ്റം വരുത്തിയതിന്റെ അനന്തരഫലമായിരുന്നു അത്. ടെസ്റ്റ് പോസിറ്റിവിറ്റി നിരക്ക് 68 ൽ എത്തുകയും ചെയ്തിരിക്കുന്നു. കൊച്ചിയിൽ ക്വാറന്റീനിൽ ഇരുന്നവർക്ക് മാത്രം ദ്വീപിലേക്ക് പ്രവേശനം നൽകിയിരുന്ന നിയന്ത്രണങ്ങൾക്ക്‌ ഇളവുകളനുവദിച്ചതാണ് ഈ ദുരവസ്ഥക്ക് കാരണം. ആവശ്യത്തിന് ആശുപത്രി സംവിധാനം പോലും ഇല്ലാത്ത, ചികിത്സക്ക് കേരളത്തെ ആശ്രയിക്കുന്ന ലക്ഷദ്വീപ്‌ നിവാസികളെ വല്ലാതെ ഭയാശങ്കയിലാക്കിയിട്ടുണ്ട്‌ ഈ മഹാമാരി.
10. മദ്യനിരോധനം എടുത്ത് കളയുകയും മദ്യശാലകൾക്ക് അനുവാദം നൽകുകയും ചെയ്തു. ദ്വീപ് നിവാസികൾക്ക് മദ്യം നിഷിദ്ധമായിരുന്നു, അതവരുടെ വിശ്വാസത്തിന്റെ ഭാഗവുമാണ്. ദ്വീപിലെ പരമ്പരാഗത നിവാസികൾ ആയത് കൊണ്ട് ലക്ഷദ്വീപുകാർ പട്ടിക വർഗ വിഭാഗത്തിൽ പെട്ടവരാണ്. നമ്മുടെ അട്ടപ്പാടിയിൽ ഉള്ളത് പോലുള്ള ഒരു കാര്യമാണ് അവിടത്തെ മദ്യ നിരോധനം.
11. പഞ്ചായത്ത് റെഗുലേഷൻ ആക്റ്റ്
12. ദ്വീപിലെ സർക്കാർ ഓഫീസുകളിലെ താത്കാലിക ജീവനക്കാരെ കൂട്ടത്തോടെ പുറത്താക്കി.
13. 2 കുട്ടികളിൽ കൂടുതലുള്ളവർക്ക്, പഞ്ചായത്ത് തിരഞ്ഞെടുപ്പിൽ മത്സരിക്കാൻ അയോഗ്യരാക്കി : ദ്വീപിൽ 80000 ത്തോളം നിവാസികൾ മാത്രമേ ഉള്ളൂ. ഇവിടുത്തെ ജനന നിരക്ക് (1.4), ദേശീയ ജനന നിരക്കിനേക്കാളും ( 2.2) കുറവാണ്. ഭൂരിപക്ഷം മുസ്ലീം ജനവിഭാഗം ആയതിനാൽ, അവർ അവിടെ പെറ്റ് പെരുകുന്ന എന്ന പൊതുബോധം കൊണ്ടുവരുക എന്നതായിരുന്നു ഉദ്ദേശം.
14. തന്റെ നിർദ്ദേശങ്ങളെ ചോദ്യം ചെയ്തവരെ ജോലിയിൽ തരം താഴ്തി.
15. സർക്കാർ സ്ഥാപനങ്ങളിൽ ജോലി ചെയ്യുന്ന സ്ത്രീകൾ, എല്ലാ സഹപ്രവർത്തകർക്കും രാഖി കെട്ടുക

ഇത് ചിലത് മാത്രം , ഇനിയുമുണ്ട് ഏറെ.

ദ്വീപിൽ നിന്നും തദ്ദേശ വാസികളെ ഒഴിപ്പിച്ച്, കോർപ്പറേറ്റുകൾക്ക് പതിച്ച് നൽകുക എന്നതാണ്, ഇവരുടെ ഗൂഡ ലക്ഷ്യമെന്ന് സംശയിക്കേണ്ടിയിരിക്കുന്നു. അത് തന്നെയാണ് അവർ കാശ്മീരിലും ചെയ്തത്. ഈ സംശയത്തിന് ബലം നൽകുന്നതു തന്നെയായിരുന്നു പ്രഫുൽ പട്ടേലിന്റെ ദാമനിലെ കുപ്രസിദ്ധമായ കുടിയൊഴിപ്പിക്കൽ. നാവിക സേനയിലും ലക്ഷദ്വീപ് പോലിസിലും സേവനമനുഷ്ഠിച്ച ഉദ്യോഗസ്ഥനായിരുന്ന രാജേഷ് കല്ലേരിലിൻെറ ലേഖനത്തിൽ അത് വിശദീകരിച്ചിട്ടുണ്ട്. അതും നമുക്കൊന്ന് പരിശോദിക്കാം.

പ്രഫുൽ പട്ടേലും ദാമനും

ദാമനും, ദിയുവും പോർച്ചുഗീസ് കോളനികളായിരുന്നു. പിന്നീട് ഇൻഡ്യൻ യൂണിയൻ ടെറിറ്ററി പ്രദേശങ്ങളായി. കേന്ദ്രം നിയമിക്കുന്ന ഒരു അഡ്മിനിസ്ട്രേറ്ററാണ് അവിടുത്തെ പ്രധാനി. ദാമനും, ദിയുവും, നാഗർ ഹവേലിയുമൊക്കെ ചെറിയ ഡിസ്ട്രിക്റ്റുകളാണ്. അതിനാൽ അതിന്റെ ഒക്കെ അഡ്മിനസ്ട്രേറ്റർമ്മാർ IAS ഉദ്യോഗസ്ഥരാണ്. 

ആദ്യമായി ദാമനിൽ അഡ്മിനിസ്ട്രേറ്റർ പദവിയിൽ എത്തുന്ന ഒരു പൊളിറ്റിക്കൽ അപ്പോയിന്റീ അഡ്മിനിസ്ട്രേറ്റർ ഇതേ പ്രഫുൽ കോഡ പട്ടേൽ തന്നെയായിരുന്നു. 

വന്നിറങ്ങിയ ഉടൻ പട്ടേൽ പണി തുടങ്ങി. ആദ്യം ചെയ്തത്, ദാമന്റെ കടലിനഭിമുഖമായി കിടക്കുന്ന ഒരു കിലോമീറ്റർ നീളമുള്ള പ്രകൃതി മനോഹരമായ വാട്ടർ ഫ്രണ്ട് ഒഴുപ്പിച്ചെടുക്കുക എന്നതായിരുന്നു.

ദമനിൽ, മോട്ടാദമൻ ലൈറ്റ് ഹൗസ് മുതൽ ജംപോർ ബീച്ച് വരെ നീണ്ടുകിടക്കുന്ന, ആദിവാസി-മത്സ്യത്തൊഴിലാളി കുടുംബങ്ങൾ നൂറ്റാണ്ടുകളായി, തലമുറ തലമുറകളായി അധിവസിച്ചിരുന്ന, അവർ കരമൊടുക്കിക്കൊണ്ടിരുന്ന, അവരുടെ പരമ്പരാഗത ആവാസവ്യവസ്ഥയിൽ നിന്ന് ഒരു സുപ്രഭാതത്തിൽ കുടിയിറക്കപ്പെട്ടു. 

പോകാൻ ഇടമില്ലാത്ത, കയറിക്കിടക്കാൻ സ്ഥലമില്ലാത്ത ആ ദരിദ്രനാരായണന്മാർ പ്രതിഷേധവുമായി തെരുവിലിറങ്ങാൻ നിർബന്ധിതരായി. ദമനിൽ നിന്ന് ഇംഗ്ലണ്ടിലേക്ക് കുടിയേറി അവിടെ സ്ഥിരതാമസമാക്കിയ ഒരുപറ്റം ദമൻകാർ അവരുടെ എം.പി ആയിരുന്ന കീത്ത് വാസ് എന്ന ബ്രിട്ടീഷ് ജനപ്രതിനിധിക്ക് മേൽ തങ്ങളുടെ ഇന്ത്യൻ സഹോദരങ്ങൾക്ക് വേണ്ടി ഇടപെടാൻ സമ്മർദ്ദം ചെലുത്തി. പ്രശ്നത്തിന്റെ മനുഷ്യാവകാശമുഖം ബോധ്യപ്പെട്ട കീത്ത് വാസ് ദമനിലെത്തി പ്രഫുൽ ഘോട പട്ടേലുമായി ചർച്ച നടത്തി. സായിപ്പിനെ കാണുമ്പോൾ കവാത്ത് മറക്കുന്ന, വെളുത്തവന്റെ കാലുനക്കാൻ ജനിതകപരമായി പ്രാവീണ്യമുള്ളവരുടെ പ്രത്യയശാസ്ത്രം പിൻപറ്റുന്ന പ്രഫുൽ ഘോട പട്ടേൽ കീത്ത് സായിപ്പിനെ പ്രസാദിപ്പിച്ച് തിരിച്ചയച്ചു. സായിപ്പ് തിരികേ ലണ്ടനിൽ വിമാനമിറങ്ങിയതോടെ പട്ടേൽ ഈ സ്ഥലമുൾപ്പെടുന്ന ജില്ല മുഴുവൻ നിരോധനാജ്ഞ പുറപ്പെടുവിക്കുകയും രണ്ട് സ്കൂളുകൾ ഏറ്റെടുത്ത് താൽക്കാലിക ജയിലുകളായി പ്രഖ്യാപിക്കുകയും ചെയ്തു. ശേഷം സ്വന്തം കിടപ്പാടം നഷ്ടപ്പെട്ട, കയറിക്കിടക്കാൻ ഇടമില്ലാത്ത നിസ്സഹായരായ ആദിവാസികളെ ജയിലിലടച്ച് അവരുടെ വീടുകൾ, തലമുറകളായി അവർ നുള്ളിപ്പെറുക്കി ഉണ്ടാക്കിയ സകലസമ്പാദ്യങ്ങളുമടക്കം ഇടിച്ചുനിരത്തി സ്ഥലം കയ്യേറി പണ്ടാരവകയിൽ വകയിരുത്തി. ഇന്നവിടെ പട്ടേലും അയാളേക്കാൾ മുഴുത്ത സ്രാവുകളുമടങ്ങുന്ന വമ്പന്മാരുടേയും അവരുടെ ബിനാമികളുടേയും സംരംഭങ്ങൾ മുളച്ചുപൊന്തുകയാണ്. 

ആ സ്ഥലം ഇന്ന് ബിനോദ് ചൌധരി എന്ന നേപ്പാളീസ് കോടീശ്വരന്റെ CG Corp ഗ്ലോബലിന്റെ കയ്യിലാണ്. അവിടെ മുക്കുവ കുടിലുകൾ പോലെ കോട്ടേജുകൾ കെട്ടിയിട്ടിട്ടുണ്ട്. ഒരു 2 കിലോമീറ്റർ അപ്പറത്ത് ആ സ്ഥലത്തിന്റെ യഥാർത്ഥ അവകാശികൾ ചേരിയിൽ ടെന്റ് കെട്ടി താമസിക്കുന്നുമുണ്ട്.

ന്യായീകരണങ്ങൾ :-

ഇത്തിരി 'ദേശസ്നേഹവും', ഇത്തിരി 'വികസനവും', ഇച്ചിരി മുസ്ലീം വിരുദ്ധതയും തള്ളി കൊടുത്താൽ, കുറേ ന്യായീകരണ സംഘപരിവാർ കുഞ്ഞുങ്ങൾ കമിഴ്ന്നു കിടന്ന് ന്യായീകരിച്ചോളുമെന്ന് അവർക്ക് നന്നായി അറിയാം. 2021 മാർച്ചിൽ ലക്ഷദ്വീപ് മിനിക്കോയ് ദ്വീപിന് 90 നോട്ടിക്കൽ മൈൽ (166 KM) തെക്ക് പടിഞ്ഞാറായി മയക്കുമരുന്നും തോക്കുകളുമായി 3 ശ്രീലങ്കൻ ബോട്ടുകൾ പിടിച്ചിരുന്നു. ബോട്ട് പിടിക്കപ്പെട്ടത്, അന്താരാഷ്ട്ര കപ്പൽ റൂട്ടിലാണ്. ഈ സംഭവവുമായി ബന്ധപ്പെട്ട് പിടിയിലായവരെല്ലാം ശ്രീലങ്കക്കാരായിരുന്നു. പാക്കിസ്ഥാനിലെ ബലൂജിസ്ഥാൻ കേന്ദ്രീകരിച്ചുള്ള മാഫിയ, ഇന്ത്യൻ കടലിലൂടെ ശ്രീലങ്കയിലേക്കും ഇന്ത്യയിലേക്കും മയക്കുമരുന്ന് കടത്തിയതായിരുന്നു ഈ സംഭവം. ചൈനീസ് നിയന്ത്രണത്തിലുള്ള പാക്കിസ്ഥാനിലെ ഗ്യാഥർ തുറമുഖത്തു നിന്നും ശ്രീലങ്കയിലേക്ക് മയക്കുമരുന്നും തോക്കും ശ്രീലങ്കക്കാർ, ലക്ഷദ്വീപ് കടലിലൂടെ കള്ളക്കടത്ത് നടത്തിയതിനേക്കുറിച്ചായിരുന്നു ആ വാർത്ത

   അനീഷ് പന്തലാനി

കേരളവും മലയാളിയുടെ പൊതുകടവും

                                                                                    Photo credit: fullfact.org

LDF സർക്കാരിന്റെ വികസന- ജനക്ഷേമ പ്രവർത്തനങ്ങളുടെ ഏത് പോസ്റ്റ് സോഷ്യൽ മീഡിയായിൽ ഇട്ടാലും, കപട നിഷ്കുകളും കോ-ലി-ബി സഖ്യത്തിന്റെ അണികളും നമ്മുടെ പൊതു കടത്തെക്കുറിച്ചുള്ള കമന്റുകളുമായി യാണ് വരാറുള്ളത് (മറ്റൊന്നും പറയാൻ ഇല്ല എന്ന വസ്തുത അവർ തന്നെ സമ്മതിക്കുന്നു എന്നതാണ് സത്യം). പിണറായി സർക്കാർ കേരളത്തിന്റെ പൊതുകടം ഭീമമായി വർദ്ധിപ്പിച്ച്, നമ്മളെ എല്ലവരെയും കടക്കെണിയിലക്ക് തള്ളിവിട്ടു എന്നതാണ് അവരുടെ പൊതുഭാഷ്യം. എന്നാൽ ഇനി അതിനെക്കുറിച്ച് ഒന്ന് പരിശോധിക്കാം എന്ന് വിചാരിച്ചു ( ഇവരോട് കണക്കുകൾ നിരത്തി സംവദിക്കുന്നതിൽ ഒരു പ്രയോജനവും ഇല്ല എന്ന ബോധ്യത്തോടു കൂടി തന്നെ).

ആദ്യമേ പറയട്ടെ, ഒരു സംസ്ഥാനത്തിന് കേന്ദ്ര അനുമതി ഉണ്ടെങ്കിൽ മാത്രമേ കടം എടുക്കുവാൻ സാധിക്കുകയുള്ളൂ. സമ്പത് വ്യവസ്ഥ വളരുംതോറും കടം എടുക്കുവാനുള്ള പ്രാപ്തിയും വർദ്ധിക്കും. അതിനാൽ റവന്യൂ കമ്മി, ധനകമ്മി തുടങ്ങിയവയുമായി താരത്മ്യം ചെയ്ത് മാത്രമേ കടം എത്ര എന്ന് വിലയിരുത്താനാവുകയുള്ളൂ.

ആസ്തിക്കനുസരണമായി കടം എടുക്കുകയും ആ പണം വിനിയോഗിച്ച് ആസ്തികൾ വർദ്ധിക്കകയും ചെയ്യുക എന്നതാണ് ഏതൊരു കാര്യക്ഷമമായ സർക്കാരുകളും ചെയ്യുന്നത്. കടം വാങ്ങി ആസ്തിവികസനം നടത്താതെ, മറ്റ് ചിലവുകൾ നടത്തുമ്പോഴാണ്, കടം ഒരു ബാധ്യതയായി വരുന്നത്. കിഫ്‌ബി പോലുള്ള പദ്ധതികൾ കേരളത്തിൽ ആരംഭിച്ചത് ഈ പ്രശ്നം ഇല്ലാതാക്കുവാനാണ്. അതായത്, കടം എടുക്കുന്നതുക അടിസ്ഥാന സൗകര്യവികസനത്തിന് മാത്രമേ ഉപയോഗിക്കൂ എന്ന ഉറപ്പു വരുത്തുവാൻ.

2003ൽ കേന്ദ്രം പാസ്സാക്കിയ FRBM (Fiscal Responsibility and Budget Management Act, 2003) പ്രകാരം ആഭ്യന്തരോത്പാദനത്തിന്റെ (GDP/GSDP) ഒരു നിശ്ചിതപരിധിയിൽ കൂടുതൽ ഒരു ഇന്ത്യൻ സംസ്ഥാനത്തിന്റെയും പൊതുക്കടം വാങ്ങാൻ കഴിയില്ല. അതായത്, ആഭ്യന്തരോത്പാദനം വർദ്ധിപ്പിച്ചാൽ മാത്രമേ, എടുക്കാൻ കഴിയുന്ന കടത്തിന്റെ അളവും വർദ്ധിക്കുകയുള്ളൂ. അതുകൊണ്ടു തന്നെ പൊതുക്കടം, സാധാരണഗതിയിൽ, ഒരു സമ്പദ്‌വ്യവസ്ഥയുടെ ശേഷിയെ കൂടിയാണ് സൂചിപ്പിക്കുന്നത്. 2020 - 21 ലെ GSP (Gross State Product) പ്രകാരം, കേരളം രാജ്യത്തെ 13-ാംമത്തെ വലിയ സാമ്പത്തിക സംസ്ഥാനമാണ്. ആളോഹരി GSP യിൽ , രാജ്യത്തെ ആറാമത്തെ വലിയ സാമ്പത്തിക സംസ്ഥാനം കൂടിയാണ് കേരളം. 2016 - 2020 കാലഘട്ടത്തിൽ , ദേശീയ സാമ്പത്തിക വളർച്ചാ നിരക്കിനേക്കാൾ കൂടിയ വളർച്ചാ നിരക്ക് കേരളം കൈവരിച്ചു. ഈ കാലഘട്ടത്തിലാണ്, കേരള സംസ്ഥാനം മറ്റൊരു കാലഘട്ടത്തിലും അനുഭവിച്ചിട്ടില്ലാത്ത പ്രകൃതി ദുരന്തങ്ങളിലൂടെ കടന്നുപോയതെന്നും ഓർക്കേണ്ടതുണ്ട്.

ഇന്ത്യയിലെ ചില സംസ്ഥാന സർക്കാരുകളുടെ Debt/GDP അനുപാതം നമുക്ക് ഒരു താരതമ്യത്തിനായി നോക്കാം.

[The debt-to-GDP ratio is a simple way of comparing a nation's economic output (as measured by gross domestic output) to its debt levels. In other words, this ratio tells analysts how much money the country earns every year, and how that compares to the money that country owes. The debt is expressed as a percentage of GDP]

ഇന്ത്യ: 72% (ഫെബ്രുവരി 2021)

കേരളം: 27.3% (FY 2020)

ഉത്തർ പ്രദേശ്: 38.1% (FY 2020)

പഞ്ചാബ്: 39.9% (FY 2020)

രാജസ്ഥാൻ: 33.6% (FY 2020)

2019 ലെ കണക്ക് പ്രകാരം ഇതിൽ ഏറ്റവും മോശം പെർഫോമൻസുള്ള സംസ്ഥാനങ്ങൾ പഞ്ചാബ്, (39. 9%), ഉത്തർപ്രദേശ് (38.1%), ഹിമാചൽ പ്രദേശ്, രാജസ്ഥാൻ, ബംഗാൾ തുടങ്ങിയവയാണ്.

https://tinyurl.com/4wdhakp9

കേരളത്തിന്റെ പൊതു കടത്തിന്റെ വാർഷിക വർദ്ധനവ്

ഇനി നമ്മുടെ പോയിന്റിലേക്ക് വരാം. 2012 മുതൽ 2020 കാലഘട്ടം വരെ, കേരളത്തിന്റെ പൊതു കടത്തിൽ ഉണ്ടായ വാർഷിക വർദ്ധനവ് നമുക്ക് പരിശോധിക്കാം. ഈ കണക്കുകൾ നിയമസഭാ രേഖകളിൽ നിന്നും എടുത്തിട്ടുള്ളതാണ്.

2012 - 13 :- 16.92 %

2013 - 14 :- 15.52 %

2014 - 15 :- 15.18 %

2015 - 16 :- 14.15 %

2016 - 17 :- 14.72 %

2017 - 18 :- 13.59 %

2018 - 19 :- 10.19 %

2019 - 20 :- 8.58 %

അതായത്, 31000 കോടി രൂപായിൽ അധികം നാശനഷ്ടമുണ്ടാക്കിയ 2018 ലെ മഹാ പ്രളയവും 2019 ലെ തുടർ പ്രളയവും ഖാഘിയും നിപ്പയും നോട്ട് നിരോധനവും GST യും കോവിഡും ലോക് ഡൗണും തുടങ്ങിയ, കേരളം ഒരിക്കലും അഭിമുഖീകരിച്ചിട്ടില്ലാത്ത പ്രതിസന്ധികളിലൂടെ കടന്നുപോയപ്പോഴും പ്രളയംമൂലം സംസ്ഥാനമൊട്ടാകെ തകർന്ന റോഡുകളും പാലങ്ങളും പുന:നിർമ്മിക്കേണ്ടി വന്നപ്പോഴും കോവിഡ് രോഗികൾക്ക് സൗജന്യമായി കോറന്റയിൽ സൗകര്യങ്ങളും ചികിത്സയും നൽകിയപ്പോഴും, കടമെടുക്കലിന്റെ പ്രതിവർഷവർദ്ധനവ്, കഴിഞ്ഞ UDF ഭരണകാലത്തേക്കാളും വളരെ അധികം കുറക്കുവാൻ ഈ സർക്കാരിന് സാധിച്ചു എന്നതാണ് വസ്തുത. ഈ കാലഘട്ടത്തിൽ തന്നെയാണ് , വീട്ടില്ലായിരുന്ന രണ്ടരലക്ഷത്തിൽപരം കുടുംബങ്ങൾക്ക് സർക്കാർ വീട് പണിത് കൊടുത്തത് എന്നും കേരളത്തിലെ പൊതു വിദ്യാലയങ്ങൾ ഹൈടെക്കാക്കി ഉയർത്തിയത് എന്നും ഇവിടുത്തെ പ്രാഥമിക ആരോഗ്യ കേന്ദ്രങ്ങൾ മുതൽ മെഡിക്കൽ കോളേജുകൾ വരെ ലോകോത്തര നിലവാരത്തിലേക്ക് ഉയർത്തപ്പെട്ടതെന്നതും നാം കൂട്ടി വായിക്കണം. കേന്ദ്രം, കേരള സർക്കാരിന് നൽകാനുണ്ടായിരുന്ന GST കുടിശിക, നൽകാതിരുന്നതും ഈ കാലഘട്ടത്തിൽ തന്നെ ആയിരുന്നു.

ഒന്ന് കൂടിയുണ്ട് , കഴിഞ്ഞ UDF ഭരണത്തിൽ കേരളത്തിന്റെ സാമ്പത്തിക വളർച്ച 4.9 % ആയിരുന്നു. എന്നാൽ ഈ പ്രതിസന്ധി ഘട്ടങ്ങളിലും ഈ സർക്കാരിന്റെ ഭരണത്തിൽ സാമ്പത്തിക വളർച്ച 5.9 % ആയി ഉയർന്നു.

ഇനി, കോ-ലി-ബി യിലെ "ബി" കാർക്കുള്ളതാണ്.

റിസർവ്വ് ബാങ്കിലെ കരുതൽ ധനത്തിൽ കൈവെച്ചും BPCL പോലുള്ള ലാഭത്തിലുള്ള സ്ഥാപനങ്ങൾ വരെ വിറ്റും രാജ്യത്തിന്റെ സാമ്പത്തിക അവസ്ഥയെ തകിടം മറിച്ച കേന്ദ്ര സർക്കാരിന്റെ സ്തുതിപാടകരാണ് ഈ ടീം.

ഇന്ത്യയുടെ പൊതുകടം ഇപ്പോൾ 555 ബില്യൺ ഡോളറിന് മുകളിലാണ്. 2020 മാർച്ചിലെ കണക്കനുസരിച്ച് രാജ്യത്തിന്റെ GDP യുടെ 20.6% ആയിരുന്ന പൊതുകടം 2020 ജൂണിൽ 21.8 % ആയി ഉയർന്നു എന്ന് പറയുമ്പോൾ, രാജ്യത്തിന്റെ പോക്ക് എങ്ങോട്ടെന്ന് ഏതൊരു വ്യക്തിക്കും മനസിലാവും.

2018 - 19 കാലഘട്ടത്തിൽ മാത്രം നമ്മുടെ രാജ്യത്തിന്റെ പൊതു കടത്തിന്റെ പലിശ മാത്രം നൽകിയത് 5.75 ലക്ഷം കോടി രൂപാ ആയിരുന്നു. ഒരു വർഷംകൊടുക്കുന്ന ഈ പലിശ മാത്രം, രാജ്യത്തിന്റെ മൊത്തവരുമാനത്തിന്റെ 40% വരും.

2018 - 19 കാലയളവിൽ, രാജ്യം കടം എടുത്ത തുക 6.24 ലക്ഷം കോടി രൂപായായിരുന്നു. അതായത് കടം എടുത്ത 6.24 ലക്ഷം കോടി രൂപയിൽ 5.75 ലക്ഷം കോടി രൂപായും ചിലവഴിച്ചത് പലിശ കൊടുക്കാൻ മാത്രമെന്ന് അർത്ഥം.

ഇന്ന് നമ്മൾ ചെലവാക്കുന്ന പണമാണ് നാളെ നമ്മുടെ നാടിന്റെ വികസനത്തിന് അടിത്തറയിടുന്നത്. കടമെടുത്താൽ, നാളെ അത് തിരിച്ചു കൊടക്കുവാൻ പാകത്തിന് നമ്മുടെ സമ്പദ് വ്യവസ്ഥയെ വളർത്തുന്നുണ്ടോ എന്നതാണ് പ്രധാനം. അടിസ്ഥാന സൗകര്യവികസനത്തിലൂടെ സാധ്യമാക്കുന്നതും അത് തന്നെയാണ്.

- അനീഷ് പന്തലാനി